своемь.
По сем же времени и браству велику умножившуся вь обытели святого. Темь и помыслиша болшу распространити обытель множества ради братии, еже и бысть. Инок же некы, ученикь Никона, еже на потребу келийнаго зданиа секущу. Ненавиде иже добраа врагъ, делу спону хоте сътворити, сему некако, якоже ть злобе хытрецъ весть. Секиру в руце его обративь, и остриемь в лице уранитися сьтвори. Кровы же зелнеи оттуду текущу, и изнемогшу от течениа крове. Вечеру же бывшу гльбоку, и яко вь иступлени бывшу. Прииде некто кь дверемь келии, тльца е. И мне инокь онь, яко настоятель есть, и хоте келию отверсти, нь от болезни не можаше вьстати, и убо самы двери келии отврьзошася, и абие видеть некоего старца светоносна пришедша, и вьследь его, яко мнети, некоего архиереа. И абие сь приходом онехь