молитвою произведе, и ту обе нозе до колена погрузи. И абие вь тъ час молитвами святого исцеле, яко мнетися ему, яко николиже что пострадавъ, отиде же здравь въ домь свои, хвале Бога и чюдотворнаго отца Сергия.
О Захарии. Ниже се умльчу еже от чюдесь святого. Бысть убо некы велможа, Захариа именемъ, жилище имы яко 200 пьприщь от монастира святого или мнее, нь аще и далече бяше растоаниа местомь, нь близь верою. Сему убо Захарии случися чревнимь недугомь одержиму быти. И день от дне утроба его растеше, смертию претещи. Сьиже яко имы велию веру кь святому, помысли хлеба монастира оного причаститися, «еда како исцелею», и тою верою одержимъ. И принесше ему от хлебь монастиря оного, и приемле сь вьрою въ неколицехь днехь. И абие болезнь его помале изыде, и бысть зравь, яко николиже болевь. И обещася ити вь монастирь и достоину честь вьздати, еже о исцелени святому. За