ради исцеление получи. И хоте обеть свои святому исплънити, яко да не таажде постраждетъ, якоже и прежде. Вьзьмь убо различнаа брашна, яже на потребу монастиря оного, и братию доволне учредивь и милостыню многу давь монастиру, начать поведати яже о святемъ. Вьздаша же обще хвалу Богу, яже творит чюдеса святиимь своимь.
Некы же человекь, Семеон име ему, по проречению святого родився. Сему случися вь болезнь велию вьпасти, яко на многы днии ни же ясти, ни пити могы, ни сна причястися. И сему зелною болезнию утеснаему, вь едину убо от нощи помену святого чюдеса, и колика исцеления Богь творить его ради. И начать молитися и глаголати: «Святий Сергие! Помози ми и избави ме от болезни сея. Помени, святий, егда бе вь сеи жизни, колику любовь и благодетельство име кь отцу моему, такожде и на мне умилосердися». Сия же и ина многа