своя ему.
О преставлени святого. Жив же святии лета доволна вь добровьздрьжани и труде, и вь старости пришед, нимали от божествних пении или служении оставляе, и елико сьстареашеся вьзрастомъ, толико паче крепляшеся и растеше усердиемь. И божественых подвигь мужьствне и тепле касашеся, никакоже старостию побеждаемъ. Нь нозе его стльпие беху, день от дне, якоже степенемь, приближающеся кь Богу. Разуме же и прежде шестих месяцехь свое преставление, призвавь убо братию, и вьручаеть стареишинство своему присному ученику, сущу вь добродетели сьвершену и вь всемь ревнующу своему учителю, Никону именемъ. Сему повеле пасти стадо христоименитое вьнимателне же и праве, яко слово вьздати хотеща не о себе, нь о многых. Сь убо великы подвижник верою благочестивеиши, неусипаемо хранило, непресихаеми источникь,