Древнерусская литература

Транслитерация:
<Сей убо Володимир бе сын Святославль, от племени варяжьского. И перьве> е к <идолом много> тъщание <творя по> отцю предании <ю, да егда> Богъ въсхоте собе <люди но>выи избрати, въдъхну в себе благодать Святаго Духа и възбнув, акы от сна, от лютаго идолослужения, и посла по всем языком, испытая закон их, како верують. И уведев святую гречьскую веру, яко свещю на светиле, и рече в себе: «Сице створю, поиду в землю их и пленю грады их и обрящу учителя». Да еже умысли, то створи. Шед и взя Корсунь, и посла к царю гречьскому, глаголя: «Дай за мя сестру свою. Аще ли не даси, то створю граду твоему, якоже и сему створих». Он же отвеща: «Несть сде таковаго обычая крестьяном даяти за поганыя, аще ли ся крестишь, то и се получишь и вяще сего царство небесное». И рече Володимир: «Тако створю: пришедше от тебе с царицею крестите мя». И в то время впал бяше Володимер в недуг обема очима. И рече пославши царица к нему: «Аще не крестьшься, не избудеши болезни сея». Он же рече: «Крестите мя, ибо на то вы есмь призвал». И егда крестиша и, створися чюдо велье. Вшедшю убо ему в святую купель, и отверзостася ему очи, и бысть яко николи же имев недуга. Прозрев похвали всех Бога и просвещен быв, радовашеся душею и телом. И пришед к Кыеву изби вся идолы: Перуна, Хорса, Дажебога и Мокошь и прочая вся кумиры. По сем созва все множьство людии и заповеда им креститися, нарек им день, рек: «Аще кто не обрящется утро на реце, тъ будет противен мне». И сниде на Почаину реку всь возраст, мужы и жены и младенци. Свершении же стояху в воде, ови до пояса, инии до выя, а друзии бродяху, а прозвутери