Древнерусская литература

Транслитерация:
О дивнем осле.
Есть другое естеству дивняго осла. Фисилог глаголет, яко во царствиих ся обретает. В 25 паменута месяца разумеют от дивняго, яко равны суть. Аще воздревет дваждынадесяте, разумеет царь и полата, яко равнины суть, и отпийца же, аще седмижды нощия воду пустит, равна есть день с нощию. Осел же дивий есть дьявол, понеже нощи есть, еже есть людие невернии, а еже бе день, ту суть веровавшии пророком, воспий же дивий осел, еже есть дьявол. И опийця же самого дьявола лице есть, имать бо начаток, а конец не имать, еже есть ошибь. Якоже дьявол первее бе един от архангел, тоже конец его не предста добре, якоже и си опийця не имущи ошиби, якоже дьявол не имый конца. Добре Фисилог рече.