Древнерусская литература

Транслитерация:
[О единороге]
Сей животый наричется единорожець. Не видех его, телеса же его медяна поставлена в Ефиопии, в храме четверостолпне царьсте, видех 4, тако и написах. Глаголють же о нем, яко страшен есть и непобедим, в розе имать всю крепость. И внегда годится ему от многих гониму быти ему, и оставь, в слудвы въбегнеть, и врьжеть себе с высоты. И отходящем възвращается, и рог въсприемлет все устремление, и бес пакости пребудет. Таковаа же и Божественое Писание поведает о нем, глаголя: «Спаси мя от уст львовь и от рогь единорожец смерение мое», и паки: «Възлюблены, яко сын инорожець», и паки в благословених Валамлих, имиже благословяше Израиля, рече второе сице: «Бог настави его от Египта, якоже слава единорожца ему, от всего крепость, и надежду, и славу, послушьствуя животному».
[О коне речном (гиппопотаме)]
И коня речнаго видех убо, имам же от него зубы велики, яко по тринадесять