Древнерусская литература

Транслитерация:
В той же день успение блаженаго и великаго князя Владимера, крестившаго землю рускую.
Володимер благочестивый бысть сын Святославль от племени варяжьскаго, первие же ко идолом много тщание творя по отчю преданию. Да егда въсхоте Бог избрати себе люди новы, и въздонув в него благодать Святого Духа, и възбну яко от сна от лютаго идолослужениа. И посла по всемь языком испытаа законы, и како веруют. И уведевь святую веру греческую, яко свещу на светиле, и рече в себе сице: «Да створю, пойду в землю их и пленю грады их, и обрящу ту учителя». Да еже умысли, то и сотвори. И шед, и взя Корсунь, и посла ко цареви греческому, глаголя: «Дай за мя сестру свою, аще ли не даси, то сотворю граду твоему, яко и сему створихъ». Он же отвеща: «Несть намь обычаа таковаго христианом давати за поганыа. Аще ли ся крестиши, то и се получиши, и Царство Небесное получиши». И рече Володимер: «Тако створю. Пришедше от тебе с царицею крестять мя». И в то время впалъ бяше в недуг Володимер очима, и пославши царица рече к нему: «Аще не крестишися, то не избудеши болезни сея». Он же рече: «Крестите мя, ибо на то есмь вас призвал». Егда же крестиша, и сотворися чюдо велие, и въшедшу ему во святую купель, и отверзостася очи его и быста, яко николиже имел недуга, прозревь и похвали вьсехь Бога, и просвещен быв душею и телом, радовашеся. И пришед к Киеву и изби вся идолы: Перуна, Хорса, Дажьбога, Мокош и прочаа кумиры. И посемь созва все множество людий и заповеда им креститися. И на-