Просмотр страниц рукописи

странъ. Мы убо не можемъ забыти красоты тоя -
всякъ бо человекъ, аще укусит сладка, последи горести не
приимаеть - тако и мы не има[мб] сде быти». Отвещавше же
боляре рекше: «Аще бы лихъ законъ гречьский, то не
бы баба твоя прияла, Ольга, яже бе мудрейши всех
человекъ». Отвещавъ же Володимеръ, рече: «Идемъ кресщенье при
имемь». Они же рекоша: «Где ти любо». И минувшю лету,
в лето 6496, иде Володимеръ съ вои на Корсунь, град
гречьский, и затворишася корсуняне въ граде. И ста
Володимеръ об онъ полъ города в лимени, дали гра
да ст[р]елище едино. И боряхуся крепко изъ град[а]. Воло
димеръ же обьстоя градъ. Изнемогаху въ граде лю
дье, и рече Володимеръ къ гражаномъ: «Аще ся не вда
сте, имамъ стояти и за 3 лет». Они же не послуша
ша того. Володимеръ же изряди вое свое и повеле
приступити къ граду. Симъ же спуще имъ, корсу
няне, подъкопавше стену градьскую, крадуще
сыплемую перьсть и ношаху к собе въ градъ, сы
плюще посреде града. Воини же присыпаху боле,
а Володимеръ стояше. И мужь корсунянинъ стре
ли, имянемъ Настасъ, напсавъ сице на стреле:
«Кладязи, яже суть за тобою от въстока, ис того вода
идеть по трубе, копавъ, переими». Володимеръ
же, се слышавъ, возревъ на небо, рече: «Аще се ся сбудет,
и самъ ся крещю». И ту абье повеле копати преки
трубамъ, и преяша воду. И людье изнемогоша
водною жажею и предашася. Вниде Володимеръ
въ град и дружина его, и посла Володимеръ ко цареви,
Василью и Костянтину, глаголя сице: «Се град ваю
славный взях; слышю же се, яко сестру имата
девою, да аще ее не вдаста за мя, то створю граду

странах. Не можем мы забыть красоты той, ибо каждый человек, если вкусит сладкого, не возьмет потом горького; так и мы не можем уже здесь пребывать в язычестве". Сказали же бояре: «Если бы плох был закон греческий, то не приняла бы его бабка твоя Ольга, а была она мудрейшей из всех людей». И спросил Владимир: «Где примем крещение?» Они же сказали: «Где тебе любо». И когда прошел год, в 6496 (988) году пошел Владимир с войском на Корсунь, город греческий, и затворились корсуняне в городе. И стал Владимир на той стороне города у пристани, в расстоянии полета стрелы от города, и сражались крепко из города. Владимир же осадил город. Люди в городе стали изнемогать, и сказал Владимир горожанам: «Если не сдадитесь, то простою и три года». Они же не послушались его. Владимир же, изготовив войско свое, приказал присыпать насыпь к городским стенам. И когда насыпали они, корсунцы, подкопав стену городскую, выкрадывали подсыпанную землю и носили ее себе в город и ссыпали посреди города. Воины же присыпали еще больше, и Владимир стоял. И вот некий муж корсунянин, именем Анастас, пустил стрелу, так написав на ней: «Перекопай и перейми воду, идет она по трубам из колодцев, которые за тобою с востока». Владимир же, услышав об этом, посмотрел на небо и сказал: «Если сбудется это, - крещусь!» И тотчас же повелел копать на перерез трубам и перенял воду. Люди изнемогли от жажды и сдались. Владимир вошел в город с дружиною своей и послал к царям Василию и Константину сказать: «Вот взял уже ваш город славный. Слышал же, что имеете сестру девицу; если не отдадите ее за меня, то сделаю столице