к звашему тя, от Негоже приимеши видимых разум, аще ли же и по званию не хощеши, или закосниши, праведным Божиим судом отвержен будеши, иже не восхотев, не восхотен будеши; тако бо той святый апостол Петр к некоему от ученик глагола: Аз бо верую, яко послушал еси звания, еще яснее послушав, вземши крест и последствуеши зовущему тя Богу и Владыце, иже призывает тя от смерти в живот, и от тьмы в свет; поистинне бо, еже не разумети Бога, тьма есть и смерть душевна, иже работати идолом на пагубу естеству всякого нечювъствия и безумия, больши быти мнит ми ся, ихже кому уподоблю и каков образ безумия представляти, но притчю приложу ти, от некоего мудра мужа речену бывшу ко мне.

Притча о соловии.
Глаголаше бо, яко подобни суть поклоняющеися идолом человеку лепителю, иже лепы творя, в былии ловяше птица, и ухватив единую от премалых птиц, иже