Умолив убо старца Иоасаф показати ему обычную одежду; тогда Варлам совлекся от ризы, в них же оболчен, видение страшно явися Иоасафу, бяше убо умящение все плоти измождало, почерневши же плоти от солнечнаго опаления и отягнутя о костех, яко кожу некую протязает около тонко тростия, власяном же неким рубом раздраном и зело остром препоясан бяше до колену, подобну же сему и мантию имяше на плещу. Преудивльшежеся таковому жестокому пребыванию болезненому и терпению превеликому почюдився, воздохнув, прослезися, и рече к старцу: Понеже горькия работы дияволя свободити мя пришел еси, конец благодеяния приложив твоего, изведи ис темницы душу мою, и поем мя с собою, пойди отсюду, до конца избавлюся мирьския прелести, печять тамо прииму спасеннаго крещения и обещник буду дивнаго ти любомудрия и паче естества пощением буду. Рече же Варлаам:

Притча о серничищи некоего богата.