десница Владычня победными венцы украсившеся. Сицевыми убо учении и словесы спасеными огласив Варлам царева сына, и к божественному крещению уготовав, постити же ся и молитися ему заповеда по обычаю за многи дни непресташе, часто приходя к нему и вся богословныя гласы православныя веры научяет, и божетсвенное Евангелие исповеда ему, к сим же и апостольская утешения, и пророческая гласы сказуя, богоученный сий муж все Ветхое же и Новое Писание во устнех ношаше, и Божетсвенным подвизаем Духом, просвети его истинным богоразумием.