Слуги же юного и пестуне частое вхождение старца зряще, дивляхуся, един от сих старей сый, егоже яко верна и благоразумна постави царь над полатою сына своего, Зардан имя ему, рек цареви сыну: Веси ли, о владыко, колик страх на мне отца твоего, и колика моя к нему вера, темже и мне, яко верну рабу, служити повелел есть, ныне же мужа сего странна видя часто беседующаго к тебе, убояхся, да некако християньския будет веры, к ней же зело враждуя прилежит твой отец, и обрящуся смертоносному повинен суду; или убо цареви яже о нем скажы, или прочее оста-