Приидем убо ко июдеом, царю, яко да видим, что мудръствуют сии о Бозе, сии убо суще Авраамови внуцы, и Исаакови, и Иаковли, пришельцы бяху во Египте, и оттуду изведе их Бог рукою крепкою и мышцею высокою Моисеом, законодавцем Его, и чюдесы многими и знамении, и сказа им свою силу, но неразумнии тии явльшеся и неблагодарни, множицею послуживше языческим богом, и посланныя к ним пророки и праведники убиша. И потом, якоже благоволи Сын Божий прийти на землю, поругашеся Ему. Предаша И Пилату, игемону Римъскому,