мым и жестоким наказуя убо есть, и повелевая меньшее сотворити, показа еже многим тем уже прошедшаго и тако и до конца добре достигшаго, тако сотворит множае и того шествия коснутися; к сему убо правилу и аз прилагаюся, еще же и нанесения рабу беды бояся, иже от Владыки приим талант, покопа того в земли, и данное ему на приобретение скры безделанна исповедание; до мене душе полезна дошедша, никакоже умолчю еже ми исповедаша мужие благоговейни о внурь Ефиопьския страны, иже индеяны весть слово нарицати от воспоминаний неложных, се преложивше имать же сице.
Индийская глаголемая страна далече убо отстоит Египта велика сущи и многочеловечьна, обходима есть морем и пучинами, по нему же и корабли ходят в Египетския части, посуху же приближаются к пределом Перским, иже убо идол неистовства омрачашеся тьмою до конца оскве