Всюду же таковей его славе вмале прошедши, вси к нему, якоже от некия воня благоухания мира подвигшеся, непрестанно стицахуся, телесную же купно и душевную нищету отлагающе, и бяше во устех всем, не страх бо и мучительство царства привлече люди, но желание и еже к нему любовь, иже от Бога и добраго жития, егоже бысть насаждено в душах всех; тогда бо и сущии под областию отца его к нему паче прилагахуся, и прелесть всю отложьше, истинну благовествоваху.