Изыде убо от царства он добрый радуяся, якоже се некто, егда от далечнаго изгнания в свое отечество идый, с веселием шествоваше, бяше же облечен внеюду во обычныя ризы, внутрь же власяный он руб, егоже даст ему Варлам. В ту же нощ убога некоего достиг, в ризу, в ню же бе оболчен, совлек с себе, конечное се благотворение убогому дарова, и тако тоже и инех многих убогих молитвами помощника Бога себе сотворив, и в Того благодати и помощ, яко во одежду спасения облекся.