и в день бе виде посупления, никомуже глаголюща ничтоже, хожаше часто во церковь, вся книги взимая, чтяше, приобретая и приемля плод пользу их, молчание же и безмолвие и кротость зело любляше, чужаху же ся вси и блажа хотьи, что убо есть во уноши сем, аки ангелово имея учение ходит. Пришедшу же времени малу по исправлении свершенныя деятели блаженнаго Нифонта, видев его диявол, уязвен бысть зело лукавый, исперва нача вметати в скорбь различну, и в пиянство, и во обьядение, не ведый же уный прелестника, развеличася, и нача поминати родителю свою, и скорбети зело, и скорбя терпяше, и помале раслабе, любящеи же его представляху ему трапезу, и вином до сытости кормляху и; на долзе же пребывающему, и зело обыкшу в таковей пищи, отьмне ум его от вина и от болезни главныя. Да иже