терпящу! И абие взем трость, тольми ся бияше по стегнома, якоже и мясом посинети и зело острупивети. И исповедашеся Богу, глаголя: Скорбя стенанием, Господи, помилуй мя, и содомьски уподоблешася еже бысть убогая сладость в них, смрад и мотыля имуща. О псе мотылоядче! Что се мне предлагаеши яже на истление смрад имеюща? И не могу таковых вкусити, отъиди от мене, нечистый душе! И сии слышав неприязный, сумняся, со страхом отхожаше, егда же узряше праведник, побежен нечистый дух словом его, и похотное лаяние упражняемо, стоняше в радости душа, ругаяся немощи дияволи. И сим сице бывющим, оканный же не отступаше его козньми своими, и ополчився, приде паки на нь, егда же блаженный во отишии пребываше и вопрашаше Бога, глаголя: Господи, может ли мене отбежати диявол? И се слово глаголя, виде на месте