тоя цветущи светлости, на нем будущая прознаменоваше, глаголаху бо, николиже в земли той таково никогда же явися радосно и прекрасно отрочя; радости великия царь о рожении отрочяти исполнився, тому убо имя Иоасаф нарече. Сам же ко идольским храмом неразумне, отъиде, неразумнейшим богом его жертву принести и благодарныя песни воздати, не разумея, Кто есть, иже добрым всем поистинну повинен, к Нему подобаше духовную вознести жертву; он же убо бездушным и глухим вину отрочяте рождения возложив, всюду посылаше собратися множеству народа на сего рождество. И бе видети вся срищущихся со страхом, ведуще, яже на жертву уготованная; якоже кому рука можаше и якоже имаше к церкви дерзновение, паче же их пущаше на любочестие, сам юнца на жертвы приводя, многи же и зело велики, и тако со всеми людьми празник свершив, вся