Милосерде, имже образом мене ищет сквернаго, не отвратился еси от мене, елико Ти согреших, но припадаю ко благоутробию Твоему, прося прощения, иже охуляют раба Твоего, не отврати лица Твоего, но спаси мя милостию Твоею, и покрый щедротами Твоими, очисти я и просвети я во веки веком, аминь. Сице праведный моляшеся за ненавидящая его и оклеветающая и, елико шедый на день моляшеся за ня, толижды ангел схождаше и возлагаше верху праведнаго венец от камения драгаго, но ни праведный того чюяше, яко всякой молитве венчается, но присно всею душею моляшеся, а Бог невидимо венчаше и. Да сего ради и, возлюблениче, попущает Бог праведником укоризну приимати и уничижение благо, да тем тьмами умножит им венца славу и множество благих. Глагола ему