и огреваем бываше от Святого Духа, дыхание его аки огнь исходя, елижды же комкаше, и обращаяся раздымаше бесы, и без вестия творяше.

Господи сил, великий, гордый, богатый, преблагий, милостивый и щедр, приклони ухо Твое и услыши ны, непотребнаго и грешнаго. Иже Иону из чрева китова избави, избави мя, Христе, от лютыя муки и князя неприязнина, реку, егда преставлюся и не дай же лукавому дияволу руки воздети над Твоим рабом, ни да видит душа моя омраченныя тьмы лукавых и нечистых бес, Христе Боже мой, ни в нынешний век, ни в будущий, ни на воздусе, ни егда ми ся есть от тела разлучити и скончати, да не зинут ни кроты, ни змии на окаянную ми душу, внегда же оставит смрадное и подобное дело и тело, да не восхитит ея, Господи Иисусе Христе мой, свете мой радости моя, сокровенный дух смрадяй в погибели ввеки, ни да узрита очи мои, Владыко Господи небеси и земли, дияволе горький возмутное видение