и едва ны пусти. И оттоле егда и вижду, без вести буду, боюся муки. Се бесу рекшу, начаша друзии смеятися ему худе, страшливе и немощне. Пребывая же Нифонт в таком видении, и сълышаша се от лукавых бес глаголющь, и ругашеся им. И паки се виде, и се ангел идяше пламенит, аки на седм холм держа копие, в нем болезнь ручна носима бяше, человек же сый во граде терзашеся, люте мучим, иже бе лихоимец безмилостивен, не токмо же то, но и на праведнаго Нифонта многи хулы глаголя, и еретика и лицемерна всем проповедая, и осужая, и глаголя: Почто сице творит. А не внемля сего окаянный, ни ся пекий, и пришед ангел Господень, стояше над ним, зря, и взирая на высоту небесную, и се прииде глас к нему с небесе, глаголя: Порази Антиоха нечистаго борзо и расторгни сь яростию неспасену ту душу, никакоже бо попекся Мною на земли, то пагубник на раба Моего Нифонта, но уничижаеть и,