Иногда паки седящу праведнику на столе церковнем, сущи хлевине его близ нарицаемаго места положение его памяти, еже и последе общежитие бысть, егда седяше, по молитве собирашася нецыи к нему, и начаша глаголати о различней смерти, како ови люте умирают, а друзии легце, овии во странстве, а друзии в пустыню, инии же в мори. И реша друзии, якоже кому повеленно бысть. Отверз же уста своя блаженый и рече: Братия, паче бы нам поискати милости Божия с покаянием, а та суть Судове Божии, и страх велий есть, еже о том глаголати, но плачемся паче и рыдаем о гресех