И рек блаженый, воста и влезе во хлевину свою и слезя, и стоня, мне же вопрашающу и о вине, и рече ко мне: Видех человека немилостива, обращающася от церкве и биюща скоты свои без милости, и кличющи зле, зазре же скоты человеку тому истужи си, яко не имеяше о нем пощадения и милости, восплакахся аз, рех: Како овии скоти бесловесни суще стужают си, и тяжко си творят, что мы сотворим, убози и грешницы, в День Судный, и услышим то, яко немилуя и непомилован будет, и зело, чадо, поболех сердцем. Се рек, воздев руце на небо и помолися