ти бо предстоят в нощи, и во дни, и егда обедуем, или сна вкусим, тако же ны покрывает святыми крылы своими, любо делаем, ли путем ходим, или в мори плаваем, ходят с нами хранители и помощницы. И сии рек блаженый, идяше во храм святыя Богородица, егоже созда блаженный, зело красен, достоин святей Богородицы, многа бо утварь бяше на нем. Во едину же сущу блаженому ту, и людем поющим утрос, узре блаженый на пути прилежащим церкви, яко мимохожаше един мурин дрясел, еже бяше князь бесом и бе с ним 12 бесов инех, слышавше же песнь церковную, ужасошася, и исполнишася зависти, и поидоша искусити раба Божия, когождо их начаша поносити князю своему, глаголющи: Видиши ли ты, како ти славится Иисус от раб Своих, яже мы имехом преже кумирослужителя, се убо, поюще песнь Назарянина, вся помучили суть, да где убо сила наша есть, но уже побежени