введе мя. Иже Еремею пророка от тимения грех, Христе Боже, избави мя от грязи скверныя и от прелести лукаваго. Господи мой, Иисусе Христе, превышняя сладости давый всяко бестрастие, иже Исаину трубу возглашающу страшну яви вельми трубящу, да тем попалю мрачныя бесы, возвращу же скверную мою душу на покаяние и спасуся. Иже лик пророческий и апостольский венчав, и вся святыя почте и освяти молитвами их, Христе Боже, Царю мой, спаси душу всяку рода крестьянска, и всякого инока. Покой, Господи, преставленыя к Тебе от жития сего, облегчи, Господи, тяготы их скверныя и пустошныя, обрати, Господи, на покаяние, от нихже первый аз есмь грешник смердяй. Всем Благодателю, вся помилуй, вся прости, и озари вся знающая Тя, Христа, Божию силу и Божию премудрость, да всяко дыхание хвалит Тя, всечестное и велелепое имя Твое, Отца и Сына и Святого Духа, ныне и присно и во веки веком, аминь. И сице ему молящуся и намножайша,