да прибегниве к покаянию, велика бо беда ражает наю, не наказнна душе в лености, се яко видиши мир сей приходит то вскоре, а суд Сына Божия близ, да не осуженна будеве, окаянная душе, делай дело благо, елико же ти может сила, много бо имаши плакатися последи, в он несть ти пользы, а вижь, како ти ангели ожидают, да приимше наю, облобыжут во сладости мнозе, и потом дарят царство беспрестани, венца светлы и одежа светозрачны, чертог Божи, и радость святых, и богатество Отче, и доброта Сыновня, истина и красота Святаго Духа, и прочее восхвалятся преподобнии во славе и возрадуются на ложих своих, да се, душе моя, ведущи, твори доброта веселия вечнаго, в жилищах небесных учинена будеши. Сии глаголаше праведник души своей со слезами, приложи оттоле на память творити другу своему в молитвах. В той бо год бяше смерть многа на лицы всея земля,