С таковою убо честию исходя царев сын, во един день забывшимся слугам, виде два мужа, от неюже един прокажен, другий же слеп беяше, еюже видев, и съдрогнувся душею, рече сущим с ним: кто есть сия, яко бедно видение ея? Они же не могущи укрыти пришедшаго к нему на видение, рекуще: страсти человеком сия суть, яже от вещей тленных, и от храхтин телесных человеком приключается обычяй имут; рече отрок: всемли человеком по обычяю приключяются? Глаголаша они: не всем, но имже превратится здравии от храхотинныя язвы; паки же вопрошаше отрок: аще не всем человеком, - рече,- приключается обычно, но неким, убо ведятли, иже хотят постигнути злая сия, или внезапу невидимо находят? И кто есть, - глаголаху,- от человек будущая видети может, и известно разумети? Выше бо человеческаго естества се есть, единомо мощно безсмертному Богу; преста царев сын вопро