Иногда же паки стеняше ко Господу Богу своему о спасении паствины его, и прииде ему помысл сице, яко воскоре ему преставитися от временнаго сего жития и преступити в бесконечное житие, якоже размышляше, и внезапу бысть во ужасе велице, и виде море велико и в нем бяше множество человек, и вся пловущая на конец влачаше, нецыи же от плавающих имяху на рамех превелика бремена, камение и кал, и древо, и попел, и медь, и злато, и всю вещь морьскую, и мнози от них погрязааху, подавляеми бремяны своими бедне, друзии же пловяху,