Древнерусская литература


Соф. 1323
Великие Минеи Четьи. Июль.

Лист:
Транслитерация:
В той же день успение блаженаго и великаго князя Владимира, крестившаго русскую землю.
Володимер благочестивый бысть сын Святославль от племене варяжьского, първие же ко идолом много тщание творяше по отчю преданию. Да егда восхоте Бог избрати собе люди новы, и вдону в него благодать Святого Духа, и возъбну яко от сна от лютаго идолослужениа. И посла по всем языком испыта законы, и како верують. И уведев святую веру гречьскую, яко свещу на светиле, и рече в себе сице: «Да сътворю, пойду в землю их и пленю грады их, и обрящу ту учителя». Да еже умысли, то и сътвори. Шед, взя Корсунь и посла к цареви гречьскому, глаголя: «Дай за мя сестру свою, аще ли не даси, то сътворю граду твоему, яко и сему створих». Он же отвеща: «Несть нам обычая таковаго христианом давати за поганыя. Аще ли ся крестиши, то и се получиши, и Царьство Небесное получиши». И рече Володимер: «Тако сътворю. Пришедше от тебе с царицею крестять мя». И в то время впал бяше в недуг Володимер очима, и рече царица пославши к нему: «Аще не крестишися, то не избудеши болезни сея». Он же рече: «Крестите мя, ибо на то есмь вас призвал». Егда же крестиша и, и сътворися чюдо велие, и вшедшу ему в святую купель, и отверзостася очи его и быста, яко николиже имевши недуга, прозрев и похвали всех Бога, и просвещен быв душею и телом, радовашеся. И пришед к Кыеву и изби вся идолы: Перуна, Хорса, Дажьбога, Мокошь и прочая кумиры. И посем созва все множество людий и заповеда им креститися. И нарек им день, сице рек: «Аще ли кто не обрящется утро на реце, той будеть противен мне». И снидеся весь возраст, мужи и жены со младенцы и дети, на Почайну реку. И свершении в воде стояху, ови до пояса, инии же до выя, а друзии бродяху. А прозвутери по брегу стояху
л. 113 - 113 об.
Житие св. князя Владимира Святославича.
Загл.: "В той же день успение блаженаго и великаго князя Владимира, крестившаго русскую землю"
Нач.: "Володимер благочестивый бысть сын Святославль от племене варяжьского, първие же ко идолом много тщание творяше по отчю преданию"
Хронологическое указание чтения: 15 июля.

наверх