/Богородичен, продолжение/ Творьца. [Стихира, глас] 8 · Иже Цьсаря · рожьши вьсемъ · и Владыку · Небесьныимъ силамъ · умоли Пречистая · Сына Своего и Господа · за крьстьяньскыи роодъ · въ дьнь судьныи · избавитися · мучения · да Тя хвалами · непрестаньно величаемъ. Непре[станьно величаемъ]. [На Успение Богородицы. Стихира, глас 8] Яко инъгда · Гаврилъ къ Деве · радость приношаше · тако и дьньсь Господь · громъ пусти съ небесе · | сълеть апостолы Своя въ Гепсиманию · въсприяти одръ Матере Своея · и се съниде Господь на облаце · глаголя миръ Тобе Мати Моя и Девице · не устрашаися Мати Моя съмьрти · не уготоватися Крьстъ на земли · ни бодена еси лущею · въ пречистая ребра Твоя · якоже и Мъне жидове сътвориша · не устрашися Мати Моя съмьрти · не уготоватися гробъ на земли · ни камень гробу Твоему · якоже и Мъне фарисеи съконьчаша · не устрашися Мати Моя съмьрти · нъ поиди на Небеса · и цьсарьствуи съ Мъною въ векы. |