И паки седящу ему в клетце, пришед к нему брат, вопроси, глаголя: Повежь ми, отче, кую мзду имуть, иже дают имение свое нищим? Глагола ему святый: Неси ли слышал святого Евангелия, что первое глагол глагола мужем. Многажды слышах, но хотех бых слышати от святых уст твоих. Глагола ему святый: Бог небу и земли да ти даст по вере твоей слово от мене на пользу, аз бо немощень есмь и недостоин, и обаче слыши, брате, и вонми, бе же человек некто в мире живый, Кирьяк имянем архиерей, бе же милостив изряден, Созомон имянем, и той единою грядый сквозе град, узре нища скверена, и совлек с ся, даст ему одежду свою, и иде в дом свой, бе же жатва и день преклонился на вечер, и мало уснув.