и молбу простираше кь святому. Тогда видить первее явльшагося ему, вь веси оноя стоеща у ракы своея и яко некым мааниемь показующа прострети руку свою. Жили же рукы его, иже первее сухы и пригрьблени, простираеми бывающе, зело болезнь навождаху. Пострет же ся рука его, всемь зрящимъ, и здрава бысть, яко и другаа. И ничтоже на неи знамение болезни видети, и тако вьздаша славу Богу, творещему дивна и преславнаа, яже видеста очи наши.
Сиа же азь, смерени таха иеромонахь Пахомие, пришедшу ми вь обытелъ святого и виде чюдеса, часто бывающа от ракы богоноснаго отца. Паче же уведевь от самого ученика блаженаго, иже многа лета, паче же от самого вьзраста унаго, живша сь святиимь, гляголю же Епифаниа. Веди блаженаго известно, иже и по реду сказаше о рождени его и о вьзрасту, и о чюдотворению, о житию же