вьсприати. Слышав же святии, хвалещася Михаила, и рече всему множеству братии, яко Михаиль, хвалеися на святую сию обытель, не имать вьсприати епископства сань, понеже грьдостию побеждень бысть, еще же и Царского града не имать видети. Еже и бысть: повнегда бо пловеше кь Царскому граду, вь телесни недугь вьпадъ, скончася по прорчеству святого. Имеяху же вси людие святого, яко единого от древних пророкь.
О видени Пречистиа святого. По семь убо блаженому оцу молещуся вь обычномь своемь правиле пред образомь Матере Господа нашего Исуса Христа, и часто вьзираа на икону, глаголаше: «Пречистаа Мати Христа моего, ходатаице и заступице и крепкаа помощнице роду человеческому, буди нам ходатаица кь Сыну своему и Богу нашему, яко да призрить на святое место сие, еже вьзложено есть вь похвалу же и честь святому его имени. Тебе бо, Мати сладкаго ми Христа, ходатаицу те пре